تابع قناتي على التلقرام لتحمل التحديثات : متـــابعـــة

احمد العليمي و يمن نت

الصفحة الرئيسية
اصحاب الشبكات ركزوا معي اشتي اوصل لكم نقطة مهمة ماهو اللي يشتوه مننا مؤسسة الاتصالات ويمن نت ؟ ماهو المطلوب مننا ؟ قالوا احنا مخالفين طيب ماهو المطلوب ؟ نقفل الشبكات ؟

 لا طبعاً ما يشتوش هذا الشيء وحتى لما نسوي اضراب ونطفي الشبكات بيصيحوا ، في الاضراب الاول عملوا بنا شكوى لوزارة الشئون الاجتماعية والعمل ان احنا بنحرض الناس على عدم استخدام الانترنت وبنحاول الحاق المؤسسة بالخسائر المالية .





احمد العليمي و يمن نت


والاضرب الثاني نفس الشيء واعتقد شفتم ان اكثر صياحهم بيكون لما نعمل اضراب والصفحة حق النقابة الثانية تنزل منشور لا تعملوش اضراب ومن هذا الكلام المهم طيب لما نتكلم ونصيح ليش رفعوا علينا السعر يقولوا احنا مخالفين ويبدأو يفجعونا بحقهم الكلام هذا وقصدهم انهم اذكياء ركزوا معي بعد اللي قد عملناه والحملة الاعلامية هذه كلها اذا كان من صالحهم نغلق الشبكات او هذا هو المطلوب كان عملوه على طول لكن ما يشتوش هذا الشيء ماهو اللي يشتوه طيب ماهو المطلوب ؟

 ماقد اتضح لكم ايش المطلوب مننا ؟ المطلوب شيء واضح ارضوا بالاسعار هذه واشتغلوا سكته ليش طيب يشتونا نشتغل سكته ؟ مش احنا مخالفين ؟ هم مش قادرين يغطوا مكان الشبكات لذلك مايشتوا نغلق ، لكن يشتونا نبقى مخالفين إلى ان يتمكنوا يغطوا مكاننا او يدخل الفور جي او بالتدريج لما يغطوا مكاننا على الاقل في المدن الرئيسية بعدها يقولوا لنا الله معاكم انتم مخالفين او يغلقوا اللي في المدن وتبقى اللي في الارياف وبيرفعوا في السعر علينا عشان لما يغطوا بدلنا يكون السعر حقهم ارخص من اسعارنا.

وينهوا عملنا بالتدريج وبطريقة قذره وخبيثة هذا المختصر المفيد ، وانتم اذا تشتوا هذا الشيء يا اصحاب الشبكات قولوا لي وتركنا الموضوع مثلما هو وخلاص اذا انتوا تشتوا تشتغلوا سكته يعني وانتو مخالفين لما يجوا مكانكم وتسيروا تدوروا اين تبيعوا الانتينات حقكم والا تحرقوهن والا تدوروا لهن صرفه كلموني اما إذا تشتوا نعمل حل ما معاكم الا هذه الفرصة احنا مخالفين نحل المشكلة هذه ويعملوا لنا حل ما بانجلس في نظرهم مخالفين نحسم الموضوع هذا الان وصدقوني بإتحادنا كلنا على كلمة واحدة والله.

لا نوصل لمطلبنا وبانحقق هدفنا المهم اشتي اقلكم غرضهم الان كيف يعملوا خلافات بيننا وإذا قدروا على هذا الشيء فهم بيحققوا هدفهم فخلوكم واثقين أن النقابة هذه عملناها من أجلكم وصارت مشاكل وقت ما عملناها لأنه كان في نقابة ثانية تابعة لهم وقدها ملغية طبعاً لكن عادهم بينشروا وبيحاولوا يحتكوا وقدكم تشوفوا كلامهم الان بالواضح قد بيقولوه.

وقدكم تشوفوا منشورات النقابة الثانية ايش هي شكراً يمن نت يعني الموضوع قدو واضح لكم عين الشمس هذه النقابة هي حقكم النقابة الوطنية للشبكات ومش حق العليمي ولا البدوي وأي وقت تشتوا نعمل انتخابات عملناها ، والله مانا مستفيد من النقابة هذه شيء ولا تحسبوا ان معي اي فايده او اي غرض منها والله ما بيجيني منها الا المشاكل.

لكن قد احنا بندافع عن حقوق مظلومين والمشاكل تهون امام هذا الشيء هذه النقابة حقكم مش حقي واي حد عنده نشاط ومستعد يخدم اصحاب الشبكات يتفضل معانا في النقابة ويشتغل ويتكلم باسم النقابة ويمثل النقابة هذا كلامي لكم واضح والقادم بيحتاج التفاف منكم جميعاً ولا تنجروا وراء حقهم الاكاذيب كل كلامهم كذب في كذب وبنوضح كل اكاذيبهم واحدة واحدة ابتداء من الوزير الكذاب إلى اخر موظف يكذب ويوقف ضدنا ويستخدم الكذب في كلامه.

google-playkhamsatmostaqltradent